Қостанай аймағында уақыт белдеуі ауысуы мүмкін

Қостанай аймағында уақыт белдеуі ауысуы мүмкін. Бірақ 1 сағат кейін шегеру туралы нақты шешім айту әлі ерте. Бұл туралы техникалық реттеу және метрология комитетінің төрағасы арнайы брифингте мәлімдеді.

Қазір осы мәселеге қатысты ведомствоаралық комиссия жұмысын бастады. «Табиғи уақыт белдеуінің ауытқуы адам денсаулығына, экология мен жануарлар әлеміне әсер етпей қоймайды. Сондықтан барлық жауапты министрліктермен бұл сұрақты егжей-тегжей пысықтаймыз , - дейді комитет өкілдері.

Айта кетейік, аймақ белсенділері уақыт белдеуін, тым құрығанда қыс айларында ауыстыру туралы бірнеше рет ұсыныс жасаған болатын.

Қуаныш Елікбаев, ҚР СИМ техникалық реттеу және метрология комитетінің төрағасы:

Бұл іс-шараға мүдделі барлық мемлкеттік органдар тартылады. Егер уақыт белдеуін ауыстыру ғылыми негізде дұрыс деп шешілсе, бұл мәселе Үкімет қарауына ұсынылатын болады.

Дарын Сағитов