Алматы облысында ірі есірткі зертханасынан 30 келі мефедрон табылды

Алматы облысында ірі есірткі зертханасынан 30 келі мефедрон табылды. Ішкі істер министрлігі мен Ұлттық қауіпсіздік комитеті бірлесе жүргізген іс-шара барысында жасырын есірткі зертхана әшкере болып, жұмысы тоқтатылды. Тексеру, тінту барысында 30 келі «мефедрон» психотроптық заты және есірткі өндіруге арналған бір тоннадан астам химиялық заттар табылып, тәркіленді.

Бақытжан Әмірханов, ҚР ІІМ Есірткі қылмысына қарсы іс-қимыл департаментінің басқарма басшысы:
Бүгінгі таңда синтетикалық есірткі өндірісіне қажетті жабдықтарды жеткізу арнасы және басқа да сыбайластарды анықтайтын тергеу шаралары жүріп жатыр. Аталмыш факт бойынша Қылмыстық кодекстің 297-бабының 3-бөлігі бойынша сотқа дейінгі тергеу басталды.