Жеке клиникада көз жұмған әйелдің оқиғасына қатысты қылмыстық іс қозғалды

Алматыда жеке клиникада операция кезінде көз жұмған кәсіпкер Сәуле Базарханның қазасына қатысты қылмыстық іс қозғалды. Қазір сотқа дейінгі тергеп-тексеру жұмыстары жүргізіліп жатыр. Бұл туралы қалалық полиция департаменті хабарлады. Қайғылы оқиғадан соң Денсаулық сақтау министрлігі де істі бақылауға алды. Министрлік профильдік мамандар мен аумақтық департаменттерді тарта отырып, медициналық ұйымның лицензиясы бар-жоғын тексереді. Сонымен қатар  көрсетілетін қызметтердің стандарттарға сәйкестігі, медицина қызметкерлерінің біліктілігі бақылауға алынады. Еске салайық, 15 мамыр күні 53 жастағы алматылық тұрғын Сәуле Базархан пластикалық хирургия клиникасында қайтыс болды. Қазір мекеме жұмысын тоқтатты.