Жаңалықтарды Telegram арнамыздан оқыңыз!Астанада Қазақстанның рекордтар кітабына енген ең үлкен ту мұз айдынында желбіреді.
«Менің елім! Менің туым!» акциясы қазақстандық «Барыс» пен ресейлік «Витязь» хоккей командалары арасында болған кездесудің алдында өтті. Көк туды бірден 30 хоккейші ұстап мұз алаңына шығарған.
Оның көлемі 800 шаршы метр, салмағы 90 келі. Алғаш рет ең үлкен байрақ Республика күніне орай Алматы аспанына көтеріліп, 3000 метр биіктікте желбіреген. Ол кезде өткен шара қазақстандықтар арасында кең қолдау тапты. Акция хоккей клубының тарихында да алғаш рет өткізіліп отыр.
Тілек Каналин, акция ұйымдастырушысы:
Ту - ол біздің рәмізіміз. Ол қазақстандықтарды біріктіреді. Сондықтан бүгін мынандай ойында біздің рухымызды біріктіріп, бастарымызды біріктіріп, сол үшін біз бүгін туды аренаға шығарамыз.
Ламбриан Топузидис
