Жаңалықтарды Telegram арнамыздан оқыңыз!«Анна Каренина» романы қазақ тіліне аударылды. Шығарманы белгілі аудармашы Ғали Орманов өзіндік стилін сақтай отырып тәржімалаған. Лев Толстой шығармасының қазақ тіліндегі нұсқасы «Мазмұндама» баспасында жарық көрді.
Бүгін Алматыдағы Ұлттық кітапханада сол еңбектің тұсаукесері өтті. Аталмыш бастама белгілі аудармашының 115 жылдығына орай өтті. «Анна Каренина» - әлемде кең таралған махаббат туралы роман. Іс-шара аясында Ғали Ормановтың шығармашылығы мен өмірінен сыр шертетін «Сырлы сезім ақыны» атты көрме ұйымдастырылды.
Айдар Қырықбайұлы, Ғали Ормановтың немересі:
Қазіргі біздің жастардың кітап оқуға деген жақсы ынтасы артып келе жатыр. Оны мойындауымыз керек. Соның арқасында қазір сол кітаптың қосымша тиражбен тапсырыс беріліп, қазіргі таңда 2000 тиражға шығып жатыр. Басында тек 500 жоспарланған. Енді сұраныс көп болғандықтан, жалпы кітаптың тиражын 2000-ға жеткізіп отыр.
Жазира Оразқызы
