Жаңалықтарды Telegram арнамыздан оқыңыз!Ақмолалық полицейлер ұрлық дерегін тергеу барысында заңсыз кен өңдеп келген цехты анықтады. Тамыз айында қала тұрғыны белгісіз біреу үйіне кіріп алтын бұйымдарын ұрлап кеткенін хабарлайды. Ол қолды болған заттарды балқытып, басқа біреуге сатып жіберген. Осылайша, полиция қызметкерлері өзге күдіктінің ізіне түседі. 49 жастағы Степногорск тұрғынының көлігін тінту кезінде сары түсті ұнтақ салынған екі пластикалық бөтелке тәркіленді. Кейін Ақсу кентінде орналасқан шаруашылық ғимаратында жасырын цех жұмыс істеп тұрғыны анықталды. Ол жерден құрамында алтын бар 31 қап кен, ұсақтағыш құралдар мен өзге де жабдықтар табылды. Кварц кенін өндеу цехы көктемнен бері жұмыс істеп тұрған.
Ермек Елберген
