Басты Жаңалықтар Ресейде Әлихан Бөкейхан туралы кітап жарыққа шықты

Ресейде Әлихан Бөкейхан туралы кітап жарыққа шықты

28.10.2022 10:00

«Әлихан Бөкейхан. Аңыз адам». Ресейде осындай атаумен Алаштың ардақты ұлы туралы кітап жарыққа шықты. Оны орыс ғалымы, тарихшы Виктор Козодой жазған. Еңбекке қайраткер туралы бұрын еш жерде жарияланбаған мәліметтер енгізілді, 100-ден аса тарихшының зерттеу жұмысы қарастырылған.

Бұл Ресей жеріндегі Әлихан Бөкейхан тұлғасының алғашқы терең және тұтас ғылыми зерттеуі. Виктор Козодой Әлихан Бөкейханды дәуір адамы деп көрсеткен. Кітап қазақ тіліне аударылды, жуырда басылып шығады.

Виктор Козодой, тарихшы, ғалым:

10 қалада, 12 мұрағатта ақпарат жинадым. Бұрын ғылыми айналымда пайдаланылмаған мұрағат құжаттарын, естеліктерді, сол жылдардағы газет-журнал беттеріндегі жарияланымдарды пайдаландым. Әлихан Бөкейханның өзге де қырларын ашуға тырыстым. Ресейліктерге ұлы тұлғаның еңбегін көрсеткім келді.

Индира Бегайдар

Бөлісу