Astana Media Week-2022 апталығы басталды

Astana Media Week-2022 апталығы басталды. Алтыншы рет өткізіліп отырған шара отандық және шетелдік жетекші медиаменеджерлер мен журналистер, блогерлер, тәуелсіз сарапшыларды бір алаңға жинады.

Әсима Нұрбайқызы, тілші:

«Жаңа дәуір - жаңа медиа: Метағалам». Биылғы апталықтың арқалаған тақырыбы осы. Міне, өздеріңіз көріп тұрғандай, бұл жерде медиа кеңістікте жүрген барлық ақпарат құралдарының өкілдері жүр. Ел аумағынан бөлек, шетелдерден келген мамандар да бар. 150-ден астам спикер 3 күн бойы 30-дан астам іс-шараға қатысады. Жаңа дәуірдегі сенім. Жаңа уақыттағы кәсібилік. БАҚ-тың үздіксіз дамуы. Осы үш тақырып биылғы шараның негізгі бағыты. Міне, мұнда «Контент-маркет» атты көрме де қойылған. Оған республикалық және аймақтық телеарналар мен продакшн-компаниялар қатысып жатыр. Жаңа тележобаларын, реалити-шоу, мульфильмдерін таныстыра алады. Жалпы, бұл қазақстандық медиа апталық - Орталық Азия аумағындағы ең ірі медиа оқиға. Бүгін алыс-жақыннан келген мамандар панельдік сессия аясында сапалы, объективті ақпарат берудің жаңа тәсілдерін талқыға салады.

Әсима Нұрбайқызы