Семейдегі «Семей машина жасау зауыты» директорының жұмыс бөлмесі көптің талқысына түсті

Шығынға батса да, шалқып өмір сүреді. Семей қаласындағы «Семей машина жасау зауыты» директорының жұмыс бөлмесі көптің талқысына түсіп жатыр.

Антикор мамандарының айтуынша, бейнежазбаны «Қазақстан инжиниринг» Ұлттық компаниясының маманы түсірген. Онда тым қымбат жиһаздар қойылған, бірнеше жасырын демалыс бөлмесі бар бастықтың кабинеті көрсетіледі.

Алайда, «Семей машина жасау зауытының» өзі 2015 жылдан бері 1,9 миллиард теңге шығынға батып, кредиторлық қарызы 3 миллиард теңгеден асқаны анықталған. Ал зауыт жұмысшыларының жалақылары соңғы 4 айда кешіктіріліп, 84 миллион теңге берешек пайда болған. Сондықтан, 25 қазаннан бастап кәсіпорында аудиттік тексеру жүргізіледі.