Алматыда жалпыұлттық сенбілік ұйымдастырылды

Алматылықтар Іле Алатауы тауларынан 35 тонна қоқыс жинап, Медеу ауданында 250 түп алма ағашын отырғызды. «Қоқыссыз таза табиғат» атауымен ұйымдастырылған экологиялық сенбілікке 2 мыңнан астам адам қатысты. Табиғатты аялауды үндейтін бастамаға қоғамдық ұйымдар, азаматтық белсенділер, студенттер және қала еріктілері қосылды. Қатысушыларға қажетті заттар беріліп, аспен қамтылды. Сондай-ақ, экологияға бей-жай қарамай, сенбілікке қатысқан азаматтарға қаладан трансферттер ұйымдастырылды.

Шара барысында Үлкен және Кіші Алматы шатқалдарындағы ең танымал туристік орындар тазаланды.

Азиз Қажденбек, Жастар саясатын дамыту мемлекеттік қорының директоры:

Мұндай жақсы бастамалардың біріншіден жалғасы болуы керек. Екіншіден, міндетті түрде бір акция емес, мерзімді, ұзақ уақытта болатын акция болуы керек. Үшіншіден бәріміз бірігіп елімізге қамқор болу керекпіз.

Фариза Мұсақызы