Жаңалықтарды Telegram арнамыздан оқыңыз!Ресейден келіп жатқан мигранттар елдегі еңбек нарығына айтарлықтай әсер етпейді. Себебі қазір елде 8,7 миллион ел азаматы еңбек етіп жатыр. Ал ресми мәлімет бойынша, Ресейден келгендердің 25 мыңнан астамы ғана жұмыс істеуге тіркелген. Бұл туралы Еңбек және халықты әлеуметтік қорғау министрі айтты. Алайда Тамара Дүйсенова жағдай ушықса шектеу енгізуге құқылы екенімізді жеткізді.
Тамара Дүйсенова, ҚР Еңбек және халықты әлеуметтік қорғау министрі:
Егерде сол азаматтардың саны көбейіп, ол біздің ұлттық экономикамызға, жалпы ұлттық қауіпсіздігімізге қатер төндіретін болса, сол Еуразиялық одаққа кіретін мемлекеттердің келісімшартында, 97 бабында, екінші пунктінде көрсетілген. Біз шектеу қоюымызға болады. Сондықтан да қазір ондай тосқауыл қоятындай дәрежеде емеспіз. Бірақ күнделікті барлық мемлекеттік органдар мұны бақылауда ұстап тұр.
Серік Селеубай
