Жетісу облысының көлік жүргізушілеріне жаңа тіркеу нөмірлері беріле бастады

Осыдан бес ай бұрын құрылған Жетісу облысының көлік жүргізушілеріне жаңа аймақтың мемлекеттік тіркеу нөмірлері беріле бастады. Бұдан былай облыс тұрғындары темір тұлпарларына 19-шы аймақтың номерін тағады. Мамандандырылған халыққа қызмет көрсету орталығында екі күннің ішінде 200-ден астам мемлекеттік нөмір берілді. Мамандардың сөзінше, жалпы Жетісу облысына 500-ден астам номер келген. Мұнан кейін де рет-ретімен келе бермек. Ал бұған дейін Алматы облысының, яғни 05-ші аймақтың нөмірін алған жүргізушілерге алаңдауға еш негіз жоқ. Олар қайта тіркеуге дейін ескі нөмірлерімен жүре береді.

Біржан Жанғабылов, қала тұрғыны:
Осы 19-шы регион нөмірін беріп жатыр. Кеше келіп рәсімдедім. Бірінші болып осы 019 нөмірін алдым. Қуаныштымын. Бір сағатқа жеткізбей құжатымды алдым.

Қуаныш Қанатұлы