Мәжіліс пен Мәслихат сайлауына қатысты оқыту курстары басталды

Бүгін елордада президенттік сайлаумен қатар Мәжіліс пен барлық деңгейдегі мәслихаттардың сайлауы барысына қатысты оқыту курстары басталды. Оған 20 өңірден жастар ұйымының белсенділері мен мәслихат депутаттары қатысты. Үш күнде олар сайлау процесінің негізгі қадамдары мен бақылау, адам құқығы мен бостандығы туралы кеңінен мағлұмат алады. Орталық сайлау комиссиясы елде өтетін барлық сайлау процестеріне жастардың қызығушылығын мейлінше арттыруды мақсат етіп отыр. Белсенділер семинардан алған білімін өңірдегі жастармен бөліседі.

Диас Смағұлов, семинарға қатысушы:

Бұл ең бірінші бастама. Жастарды әрі қарай қолдап, онымен жұмыс жасау ретінде алдымызда бірнеше президенттік сайлау, парламент сайлаулары бар, соған жастарды дайындап, оған толық ақпарат беріп, заң жағынан қарап, сайлауға белсенді қатысып, үлкен бір жұмыс жасап жатырмыз.