Астанадағы халықаралық әуежайда екінші ұшу-қону жолағы салынады

Аэропорт алдағы 5 жылда жүк тасымалын төрт есе арттыруды жоспарлап отыр. Биыл мұнда күрделі жөндеу жүргізілген. Аэропорттың таза табысы жарты жылда 1 млрд 600 млн теңгеге жеткен. Мамандар жыл соңына дейін жалпы түсім 68 млрд теңге болады деп болжап отыр. Бұл салық, қызмет көрсету ақысы, жалақы, жалпы шығынды қоса есептегендегі кіріс.

Осылайша биылғы табысты 15 пайызға арттырмақ. Қазір шет елдер арасындағы шекаралардың жабылуына байланысты біраз әуе компания біздің әуежайды Еуропадан Азияға транзиттік аялдама ретінде пайдалана бастады. 2021-2022 жылдардағы кірістің шамамен 70 пайызы транзиттік жүк рейстеріне қызмет көрсету арқылы түскен.