Қазақстандықтардың 80% климаттың өзгеруіне алаңдайды

Еліміздегі Біріккен Ұлттар Ұйымының Даму Бағдарламасы жүргізген әлеуметтік сауалнама нәтижесі осындай. Сауалнамаға Қазақстанның барлық өңірінен 2168 адам қатысты. Тұрғындардың басым бөлігі елдегі экологиялық жағдайды жақсарту үшін өз бетінше күш салуға, яғни салауатты өмір салтын ұстануға, ресурс түрлерін пайдалануды қысқартуға, қалдықтарды сұрыптауға дайын.

Зульфия Сүлеймен, ҚР Экология, геология және табиғи ресурстар вице-министрі:

Мысалы, былтырғы қуаңшылық климаттың өзгеруімен де байланысты. Қуаңшылық фермерлерге ықпал етеді. Олардың әл-ауқатына, экономикалық дамуға әсер етеді. Сол жағынан қарағанда климаттың өзгеруі мәселесі өте өзекті және маңызды болып тұр.