Украина қарулы күштері Антонов көпіріне тағы соққы жасады

Украина қарулы күштері Херсон облысында Днепр өзенінің үстінен өтетін Антонов көпіріне тағы да зымыранмен соққы берді. Шабуылдан 15 адам зардап шеккен.

Ресей тағайындаған жергілікті оккупациялық биліктің мәлімдеуінше, украиналықтар өткелді америкалық «Хаймерс» ракета жүйесімен атқылады.

Украина армиясы бұл көпірге шілде-тамыз айларында бірнеше рет шабуыл жасады. Сондағы мақсаты – Ресей әскерін арсеналмен, жанармаймен, азық-түлікпен қамтамасыз ету мүмкіндіктерінен айырып, әлсіретіп, берілуге немесе Херсоннан өз еріктерімен кетуге мәжбүр ету.