Жаңалықтарды Telegram арнамыздан оқыңыз!Қыркүйек айында Елордада әлем діндерінің 7-ші съезі өтеді. Оған 60 елден 100-ге тарта делегат қатыспақ. Соңғы рет бұл жиын жаһандық пандемияға дейін 2018 жылы өткен еді. Шараға Рим Папасы Франциск қатысады деп жоспарланып отыр.
Томаш Пэта, Архиепископ митрополит:
Рим Папасы алдымыздағы жиынның басты қонағы болмақ. Біз өз тарапымыздан мейманды қабылдауға барынша дайындалып жатырмыз. Оның жергілікті дінбасылар мен жас дін қызметкерлерімен кездесуі өтіп, католик дінін ұстанушылар үшін дұға оқуы жоспарда бар. Бұл біз үшін тарихи маңызы зор оқиға.
