Солтүстік Корея Америкамен әскери қақтығысқа әзір

Солтүстік Корея лидері Ким Чен Ын елінің АҚШ-пен кез келген әскери қақтығысқа әзір екенін ескертті. Және де оның сөзінше, Пхеньян ядролық шабуылға да төтеп беруге толық дайын отыр.

Айта кетсек, 1953 жылдан бері екі Корея әлі күнге дейін бейбіт келісімге қол қойған жоқ.

Ким Чен Ынның сөзінше, Құрама Штаттардан атомдық соққы қаупі төніп тұр, сондықтан Солтүстік Корея қорғанысын күшейтуге тиіс. Ал, Вашингтон мен Оңтүстік Корея үкіметінің айтуынша, Солтүстік Корея 2017 жылдан бергі алғашқы ядролық сынаққа әзірлікті аяқтап қойған.

Арыстан Рысбек