Жаңалықтарды Telegram арнамыздан оқыңыз!Ресей қарулы күштері Украинаның Краматорск қаласына соққы беріп, кемінде бір адамды мерт қылды. Ракета тигенде алты ғимарат зақымданған. Көршілес Славянск қаласы да зымырандық шабуылға ұшырады. Алайда, Мәскеу көрші елде азаматтық нысандарды қиратты деген мәліметті үнемі жоққа шығарып келеді.
Айта кетсек, жақында Ресей армиясы Луганск облысын түгелдей басып алды. Енді ол Донецк аймағын жаулау үшін шабуылға әзірленіп жатыр. Украина үкіметінің мәлімдеуінше, бұл басқыншылық Краматорск пен Славянсктен басталайын деп отыр.
Арыстан Рысбек
