Елімізде автобус парктері пандусы бар қоғамдық көлік сатып алуға міндеттелмек

Мүгедектердің мүмкіндігі артады. Оларды ертіп жүретіндердің шығыны 70 пайызға өтеледі. Шипажайға берілген тегін жолдаманы пайдалана алмайтындардың саны да азаяды. Сондай-ақ автобус парктері пандустары бар қоғамдық көліктер сатып алуға міндеттеледі.

I және II топтағылармен қоса III топтағы мүгедектерге де нотариус қызметі тегін болады. Олардың мүгедектігін анықтау бойынша сараптама сырттай жүргізіледі.

«Заң жобасы мүмкіндігі шектеулі адамдарды қорғау мен қолдау саласындағы өзекті мәселелерді шешуге арналған. Сенаторлар бұл бағытты үнемі назарда ұстап, тиісті заңнамалық жұмысты әрі қарай жалғастыра береді», - деді Мәулен Әшімбаев.