Ақтөбеде 15 жасар жеткіншек найзағай түсіп қаза тапты, тағы біреуін күйік шалды

Ақтөбе облысындағы Белогорка аулында 15 жасар жеткіншек жай түсіп қаза тапты. Тағы бір адам күйік жарақатымен ауруханаға түсті.

Облыстық төтенше жағдайлар департаментінің мамандары оқиға орнына дереу жеткенімен, оқушыны құтқару мүмкін болмады. Ал 27 жастағы ер адам Ақтөбе қаласындағы жедел жәрдем ауруханасында ем алып жатыр. Жағдайы қалыпты дейді дәрігерлер.

Жалпы мамыр айы басталғалы өңірде жауын-шашын толастамай тұр. Синоптиктер тек алдағы аптаның ортасынан бастап күн ашылуы мүмкін деген болжам айтады.