Маңғыстау облысында радиоактивті қалдықтар полигонының құрылысы тоқтатылды

Маңғыстау облысында радиоактивті қалдықтар полигонының құрылысы тоқтатылды. Облыс прокуратурасының мәліметінше, былтыр Қарақия ауданы әкімдігі «Вест Дала» серіктестігіне өндірістік қалдықтарды уақытша сақтап, көму және қайта өңдеуге арналған кешеннің құрылысын салуға жер берген. Бірақ, көп ұзамай жердің нысаналы мақсаты радиоактивті қалдықтармен жұмысты жүзеге асыруға арналған арнайы кешен салуға өзгертілген. Ал мұндай шешімді заңға сәйкес Үкімет қана қабылдай алады. Сондықтан аудан әкімдігі шешімінің күші жойылып, заңсыз құрылыс тоқтатылды.