Жаңалықтарды Telegram арнамыздан оқыңыз!Отандық өнімге кең өріс. Жамбыл облысы Қордай ауданындағы жем зауыты өз өнімдерін экспорттай бастады. Тәулігіне 30-40 тонна мал азығын даярлайтын өндіріс орнында 21 адам жұмыс істейді. Олардың барлығы жергілікті тұрғындар.
Төрт жыл бұрын ашылған жем зауыты қазір төрт түлік қана емес, құстарға да азық даярлайды. Оған қажетті шикізатты, яғни дәнді-дақылдарды жұмысшылар өздері әзірлейді. Азықтың бірнеше түрін шығаратын кәсіпорын тағы бір құрылғыны іске қоспақшы. Өндірістік кооператив төрағасының айтуынша, құстармен қатар, қазір балық пен үй жануарларының тағамдарына да тапсырыс түсуде. Сондықтан, жаңа технологияны енгізуді жоспарлап отыр.
Қанат Хайрулла, кәсіпорын қызметкері:
Бізде тауықтың жемі бар ет жағынан. Сондай-ақ, жұмыртқа туатын тауықтарға арналғаны бар. Ірі-қараларға, сауынды сиырларға және жылқыларға арналғандары бар. Бізде жалпы жануарлардың барлық түріне арналған жем бар.
