Қуғын-сүргін құрбандарын ақтау: Өңірлік комиссиялардың жұмысы қызды

Саяси қуғын-сүргін құрбандарын толық ақтау жөніндегі мемлекеттік комиссия алдағы екі айда жүргізілетін шараларға тоқталды. Өткен жылдан бері өңірлердегі мұрағаттық құпия құжаттарын зерделеп жатқан жұмысшы топтар қара тізімге енген ата-бабаларымыздың есімдерін тізіп, оларға қатысты тың мәліметтерді жинақтаумен айналысып жатыр. Осы жұмыс биыл да қызатын болады. Мәселен, ескі мәтіндегі сөздердің мағынасын ашатын глоссарий құрастырылатыны жайы айтылды. Оны ғылыми және заңды тексерістен өткізу мәселесі де қарастырылатын болады. Мамырдың ортасына дейін ауқымды жұмыстың қорытындысы даярланып, заң жобасы әзірленбек.