Ақтөбе өңірінде тағы бір қаржы пирамидасы әшкереленді

Елімізде тағы бір қаржы пирамидасы әшкере болды. Кезекті дерек Ақтөбе өңірінде тіркелді. Пысықайлар «GAP» тұтыну кооперативі ретінде адамдарды тартып, жымысқы ойын іске асырған. Жылжымайтын мүлік пен көлік сатып алуға үгіттеп, кезекке тұрғызып, 10% жарна төлеттірген. Ұйымды Қаржы мониторингі агенттігі жедел іздестіру шарасы аясында анықтап, сотқа дейінгі тергеу басталды. Азаматтарға қаржылық пирамидаларды жарнамалау немесе ұйымдастырғаны үшін әкімшілік және қылмыстық жауапкершілік көзделгені ескертіледі.