Жаңалықтарды Telegram арнамыздан оқыңыз!Жамбылда құны 2 миллион теңгеден асатын асыл тұқымды сиырларды ұрлаған тұрғын ұсталды. Ол жайылымда жүрген малды айдап әкетіп, ізін суытқан. Оқиға ақпан айында болыпты. Тұрар Рысқұлов ауданы Алғабас ауылының тұрғыны 3 сиырының жоғалғанын хабарлаған. Полиция қызметкерлері жедел іздестіру шаралары нәтижесінде 23 жастағы аудан тұрғынын ұстады. Ол кінәсін толық мойындады. Шығын көлемі 2 миллион 250 мың теңгені құраған. Қазіргі таңда күдіктіге қатысты қылмыстық із қозғалып, тергеу басталған. Жалпы өңірде жыл басынан бері мал ұрлығының 33 дерегі тіркелген. Ал, тәртіп сақшылары шаруаларға жайылымдағы малдарына бақылауды күшейтуді сұрайды.
