Қарағандыда қоқыстан жаңа туған сәбидің денесі табылды

Қарағандыда қоқыс арасынан жаңа туған сәбидің денесі табылды. Полиция бөліміне 26 жастағы қала тұрғыны хабарласып, өзіне тиесілі гараждардың маңайын тазалап жүргенде пакетке салынған шақалақтың мәйітін тауып алғанын айтқан. Денесінде зорлық-зомбылық белгілері жоқ және оның ер бала екені анықталған. Қазіргі уақытта оқиға орнына жақын маңдағы үй тұрғындарынан көрген-білгендер сұрау салу, сондай-ақ баланың анасын анықтау бойынша жедел-іздестіру жүргізілуде. Бұл жайт бойынша қылмыстық іс қозғалды.

Бақытжан Құдияров, облыстық полиция департаментінің баспасөз хатшысы:
Аталған факт бойынша ҚР қылмыстық кодексінің 100-і бабы, яғни «Жаңа туған сәбиді анасының өлтіруі» күдігі бойынша қылмыстық іс қозғалды. Тергеу амалдары жүргізілуде.

Руслан Нұрланұлы