Францияда ақпанда шектеу шаралары жеңілдейді

Францияда ақпаннан бастап ковидке қатысты карантиндік шаралар жеңілдейді. Қашықтан жұмыс істеу, көшеде маска тағу ережелері алынып тасталады. Ал, қысқы каникулдан кейін оқушыларға мектепте бетпердесіз жүруге рұқсат етіледі. Бұған қоса, түнгі клубтар ашылмақ. Қаңтардың 24-нен бастап дәмхана, мейрамхана, кинотеатр тәрізді қоғамдық орындарға кіру үшін вакцина куәлігі талап етіле бастайды. Ал, коронавирустан төнген қауіп бәсеңдесе, бұл құжаттың да қажеті болмай қалуы мүмкін.

Айта кетсек, Францияда соңғы тәулікте 425 000 адам ковид жұқтырған. Науқастар санының көбеюіне «омикрон» штамының тез таралуы себеп.       

Арай Төлегенқызы