Қазақстанда коронавирус жұқтырғандардың оқшаулану мерзімі қысқарады

Бас санитар дәрігердің тиісті қаулысы әзірленіп жатыр. Яғни, ковидпен ауырған адам 14 емес, тек 10 күнге карантинге жабылады. Тағы бір маңызды ақпарат - ПТР тесттің қорытындысына қарай «ASHYQ»-тағы мәртебе түсі де бір аптада ауысады.

Айта өтейік, жаңа қаулы шыққанға дейін карантин тәртібі бұрынғыша 14 күн болып қала береді.  

Ержан Байтанаев, ҚР ДСМ Санитариялық-эпидемиологиялық бақылау комитетінің ресми өкілі: 

Қазіргі уақытта Бас санитар дәрігердің қаулысы дайындалып жатыр. Таяуда 14 күннен 10 күнге дейін карантиндік режим қысқартылады.  Егер науқастығы анықталса, 7 күннен кейін ПТР тапсыруға рұқсат бар. 7 күннен соң ПТР нәтижесі бойынша ол адам еш кедергісіз карантиннен шығып, жұмысын жалғастыра алады.