АҚШ әуе компаниялары 5G мұнараларын әуежайға жақын орналастыруға қарсы

Американың әуе компаниялары бесінші буын ұялы байланыс мұнараларын әуежайларға жақын қоюға наразы. Айтуынша, 5G ұялы желі инфрақұрылымы азаматтық авиация жұмысына кедергі келтіруі мүмкін. «Мұндай құрылғы ұшу-қону жолағына жақын болса, күніне мыңдаған әуе рейсі доғарылып, бұл 100 мыңдай жолаушыны жолынан қалдырады»,-дейді әуе компаниялар өкілдері. Дегенмен, кейбір сарапшылардың пікірінше, 5G мұнарасының әуежай жұмысына теріс ықпалы бар ма, жоқ па деген сауалды әлі жіті зерттеу қажет. «Reuters» мәліметінше, «Emirates» әуе компаниясы 5G инфрақұрылымы туралы ақпаратқа алаңдаушылық білдіріп, Құрама Штаттарға бірнеше әуе рейсін уақытша тоқтатты.

Арай Төлегенқызы