Араб коалициясы Йемен астанасына әуеден шабуылдады

Сауд Арабиясы бастаған коалиция хуситтерден кек алу үшін Йемен астанасын әуеден бомбалай бастады.  

Көтерілісшілер бақылауындағы телеарнаның мәліметінше, шабуылдан 4 адам қаза тауып, бесеуі жараланған. Араб коалициясы Санаға жойғыш ұшақтармен әуеден шабуылдап, баллистикалық зымыранға арналған екі құрылғыны жарып жіберген. Коалиция өкілдері Йеменнің бейбіт тұрғындарына қауіпсіздік үшін әскери лагерьлерден алыс жүруді ескертті.

Ал, бұған дейін хуситтер Біріккен Араб Әмірліктері аумағына дронмен соққы беріп, үш мұнай танкерін жарып жіберді. Одан үш адам қаза тауып, алты адам жараланған.  

Арай Төлегенқызы