Батыс Қазақстан облысындағы екі ауылға көгілдір отын берілді

Батыс Қазақстан облысына қарасты Бәйтерек ауданының қос ауылына көгілдір отын берілді. Қаланың іргесінде болса да, Павлов, Горбунов елдімекендерінің халқы жылдар бойы от жағып, күл шығарып келді. Қос ауылда 200-дей адам тұрады. Ауыл халқы мал ұстап, ет-сүт өндіреді. Ауызсу, жол бар. Енді, міне, газ жетіп, ауыл халқы қуанышқа бөленді.

Саражан Ешмұхамбетова, көпбалалы ана:

Павловка елдімекеніне көгілдір отын келіп, қуанышымызда шек жоқ. Бұл көптен күткен елдің, халықтың арманы еді. Бүгінгі күні орындалып жатыр. Бәріне ауыл атынан көп рахметімізді айтамыз.

Биыл тағы 4 ауылға газ құбыры тартылып, аудан халқы тегіс көгілдір отынмен қамтылмақ.