Басты Жаңалықтар Кітапхана қоры 200 оқулықпен толықты

Кітапхана қоры 200 оқулықпен толықты

20.03.2014 05:30

Ұлттық Академиялық кітапхана қоры тағы 200 оқулықпен толықты. Бағалы сыйлықтарды білім ордасына іргелі оқу орындары, елшіліктер және өнер ошақтары тапсырды.

Олардың мазмұны әр қилы - әдеби, ғылыми, тарихи. Биыл ҚР Ұлттық академиялық кітапханасына - 10 жыл. Мерейтой аясында жыл басында «Құнды тарту» кітап сыйлау акциясы бастау алған.

Бұл үрдіс арқылы кітапхана қоры озық үлгілі классикалық шығармалармен және қазіргі заманғы қазақ және әлемдік көркем әдебиеттермен толықпақ. Айталық жыл басынан бері кітапханаға 780 кітап тарту етілген.

Қайыркен Нұралинова, ҚР Ұлттық Академиялық кітапханасы Қорларды құру қызметінің жетекшісі:

Оқырмандарымыз жеткілікті. Студенттер және ғылыми қауым тарапынан өте көп сұранысқа ие осы кітаптар. Әрине осы жинақтаған кітаптарды біз қоймаға қоймаймыз, оны насихаттап қажетті оқырманымызға жеткізіп және де келесі ұрпаққа сақтайтын - кітапхана.

Сәкен СЕЙІТХАНҰЛЫ

Бөлісу