Жаңалықтарды Telegram арнамыздан оқыңыз! Жамбыл облысында 54 миллион теңге жымқырған балабақша қызметкері сотталды. Бұл туралы Қаржы мониторингі агенттігі хабарлады.
Агенттік мәліметіне сүйенсек, «Qamqor» әлеуметтік жобасы аясында Сарысу ауданы білім бөліміне қарасты «Ақбота» балабақшасында бюджет қаржысын жымқыру дерегі анықталған. Балабақшаның бюджет жөніндегі жауапты қызметкері Д.Әбибуллаев қызметін пайдаланып, 2018-2021 жылдар аралығында өз шотына заңсыз ақша аударып келген. Осылайша ол 3 жылда 54 миллион теңге бюджет қаражатын жымқырған. Айыпталушы сот үкімімен 6 жылға бас бостандығынан айырылды. Сондай-ақ шығынның бір бөлігі 18 миллион теңге өтелді.
