Түркияда лира тағы құнсызданды

Түрік валютасы тағы арзандады. Дүйсенбіде АҚШ доллары лираға шаққанда тағы 5 пайызға қымбаттаған. Бұл - рекордтық көрсеткіш. Лираның құнсыздануына Түркия билігінің экономикалық саясатына қатысты сенімсіздік себеп болып отыр.

Ал желтоқсанның 16-да елдің Орталық банкі кезекті отырысын өткізеді. Жиында пайыздық мөлшерлеме тағы төмендетілуі мүмкін. Экономикалық сарапшылардың пікірінше, елде инфляция деңгейі 21 пайыздан асқан. Бірақ осыған қарамастан, Орталық банк пайыздық мөлшерлемені 14 пайызға дейін түсіреді деген болжам бар. Айта кетсек, жыл басынан бері лира 50 пайызға арзандады.