Польша премьер-министрі шекарадағы дағдарыс үшін Путинді айыптады

Польша премьер-министрі ел шекарасындағы миграциялық дағдарыс үшін Ресей президенті Владимир Путинді айыптады. Матеуш Моравецкийдің сөзінше, Беларусь лидері Александр Лукашенко мен Кремль басшысы Таяу Шығыс пен Азиядан жеткен мыңдаған босқынды поляк жеріне Еуропа одағын тұрақсыздандыру үшін әдейіп жіберіп отыр. Алайда Лукашенко мұны жоққа шығарды. Оның сөзінше, Беларусь үкіметі өзіне санкция жариялаған Брюссельден кек алу үшін мигранттарды одаққа қасақана жөнелткен жоқ.

Айта кетсек, қазір Польша аумағына өтуге екі мыңдай адам әрекет жасап жатыр. Оларды тоқтату үшін поляк үкіметі Беларусьпен арадағы шекараға мыңдаған жауынгер жіберді.