Қазақстан мен Польша парламенті ынтымақтастықты күшейтеді

Мәжіліс Төрағасы Нұрлан Нығматулин Польша Сенатының Маршалы Томаш Гродзкимен кездесті. Келіссөздер барысында тараптар екі ел арасындағы парламентаралық әріптестікті нығайтуға келісті. Мәжіліс Спикері Қазақстан басшылығының Польшамен жан-жақты серіктестікті дамытуға ерекше көңіл бөлетінін атап өтті. Өз кезегінде, Польша Сенатының Маршалы екі ел арасындағы қарым-қатынас достық пен өзара көмек негізінде құрылғанына тоқталып, Қазақстан 100-ден астам түрлі этностардың үйіне айналғанын айтты. Томаш Гродзкий поляк парламентшілерінің Қазақстанмен барлық салада ынтымақты дамыту үшін қолдау көрсетуге дайын екенін жеткізді.

 Берік Көшербай