Суданда ондаған мың адам шеруге шығып, әскери төңкеріске наразылық білдірді

Суданда ондаған мың адам шеруге шығып, әскери төңкеріске наразылық білдірді. Қауіпсіздік күштері болса, оларға оқ атып, үш тұрғынды мерт қылды. Жараланғандар саны 100-ден асып отыр. Демонстранттардың генералдарға қояр негізгі талабы – өткен аптада армия құлатқан азаматтық үкіметті қалпына келтіріп, саяси тұтқындарды түрмеден босату. Әскерилер болса, төңкерісті азаматтық соғысқа жол бермеу үшін жүзеге асырғандарын айтып отыр. Судандағы басшылықтың күшпен ауысуын Біріккен Ұлттар Ұйымы, АҚШ, Еуропа одағы, Араб лигасы айыптап, мәлімдеме жасады.