Қазақстан делегациясы Ауғанстанға жұмыс сапарымен барды

Қазақстан делегациясы Кабул қаласына жұмыс сапарымен барды. Президенттің халықаралық ынтымақтастық жөніндегі арнаулы өкілі Ержан Қазыхан Ауғанстанның қазіргі әкімшілік өкілдері Абдул Ғани Барадар және Амир Хан Мутаккимен кездесті. Тараптар сауда-экономикалық байланысты қалпына келтіру мәселесін талқылады.

Айта кетейік, еліміз Ауғанстанға гуманитарлық көмек ретінде 5 мың тонна ұн тасымалдаған. Сонымен бірге Қазақстан делегациясы ауған тарапына отандық QazVac вакцинасын беру туралы ұсыныс білдірді. Ал Ауған тарапы көрсетілген гуманитарлық көмек үшін алғыс білдіріп, халықаралық күш-жігерге еліміздің елеулі үлес қосып отырғанын атап өтті.