Қытайда көмір бағасы шарықтап барады

Қытайда электр энергиясын өндіретін станцияларға қажетті көмірдің бағасы шарықтап барады. Оның құны бүгін 10 пайызға өсті. Қара отынның қымбаттауына шахталар орналасқан аймақты су басуы себепші.

Тасқын кесірінен көмір жеткізу қиындап, онсызда тереңдеп бара жатқан энергетикалық дағдарыс тіпті күшейген.

Биыл Қытайда өндірілген көмірдің үштен бір бөлігін шығарған Шаньси провинциясында су апатына байланысты ондаған кеніш жабылған.

Айта кетсек, қазір энергия бағасы бүкіл әлемде көтеріліп жатыр. Себебі, ғалам экономикасы пандемиядан ес жиып жатқандықтан, отынға сұраныс күрт артып отыр.

Арыстан Рысбек