Жаңалықтарды Telegram арнамыздан оқыңыз!Үндістан мен Қытай арасындағы әскери шиеленісті жеңілдету жөніндегі келіссөздер бүгін сәтсіз аяқталды. Екі жақ армиясының тайталасы 17 айдан бері жалғасып келеді.
Делиге сенсек, ол Бейжіңге «конструктивтік ұсыныс» жасаған. Ал, қарсы жақ мұны қабылдамапты. Қытай болса, Үндістанды «негізсіз, реалистік емес ұстанымымен келіссөздерді қиындатты» деп айыптап отыр.
Тараптардың әскер қолбасшылары кездесуі даулы Ладах ауданының Моло қаласының қытайлық бөлігінде өтті.
Тибетпен шекаралас бұл аймаққа алып державалар ондаған мың жауынгері мен артиллериясын, танкілерін, соғыс ұшақтарын шоғырландырды. Ал, былтыр олар бір-бірімен қақтығысқанда, Үндістан 20, Қытай 4 сарбаз жоғалтыпты.
Арыстан Рысбек
