Тәліптер билікке келгелі алғаш рет АҚШ-пен келіссөздер жүргізді

«Талибан» қозғалысы билікке келгелі алғаш рет АҚШ-пен Катар астанасы Дохада келіссөздер жүргізді. Кездесу барысында Ауғанстанның уақытша сыртқы істер министрі Әмір Хан Мүттақи Вашингтоннан елдің орталық банкінің шетелдегі валюталық резервтерін босатуды сұраған. Сонымен қатар, оның сөзінше, Құрама Штаттар Кабулге коронавирусқа қарсы вакцина ұсынбақ.

АҚШ өкілдерінің сөзінше, келіссөздер «ашық әрі кәсіби деңгейде» өткен. Және де Америка Ауғанстан халқына тікелей гуманитарлық көмек беруге келісті. Дегенмен, диалог барысында тәліптер Ауғанстанда «Даиш» террористік тобымен күресте Пентагонмен ынтымақтастпайтынын ескерткен.

Арыстан Рысбек