ДДСҰ безгекке қарсы вакцинаны мақұлдады

Дүниежүзілік денсаулық сақтау ұйымы алғаш рет безгекке қарсы вакцинаны қолданысқа енгізуді мақұлдады.

"Москуирикс" атты препаратты британиялық "ГлаксоСмитКлайн" компаниясы жасап шығарған. Оны дайындауға 30 жыл кеткен екен. Ал, соңғы екі жылда бұл екпе сынақ ретінде 2 млн 300 мың балаға егілді. Енді аталған вакцина африкалық балаларға салынады. "Рейтердің" мәліметінше, 2019 жылы масалар тарататын безгектен 386 мың жеткіншек қайтыс болған. Ал, жаңа препарат жыл сайын ондаған мың баланың өмірін сақтап қалуға мүмкіндік береді. Айта кетері - екпенің безгекті тудыратын паразиттерге қарсы тиімділігі әзірге 30 пайызды құрайды. Қазір британиялық тағы бір компания тиімділігі бұдан әлдеқайда жоғары вакцинаны сынап жатыр. 

Арай Төлегенқызы