Еуропа Одағында үшінші доза егу мәселесі қарастырылып жатыр

Еуродақ тұрғындарға Pfizer вакцинасының үшінші дозасын егу мәселесін қазан айында шешпек. Мұны Амстердамда өткен баспасөз маслихатында Еуропа дәрі-дәрмек агенттігінің өкілі мәлімдеді. Дегенмен, қосымша дозаны толық вакциналанған адамдардың барлығына салуға қажеттілік болмауы мүмкін. Оның үстіне аймақта «Модерна» екпесінің де үшінші дозасын салу жайы қарастырылып жатыр.

Ал, Ресейде коронавирустан қайтыс болғандардың тәуліктік саны рекорд жаңартты. Қыркүйектің 23-де 820 адам көз жұмған. Бұл – тамыздың 26-нан бергі ең жоғарғы көрсеткіш. Бірақ, Кремльдің мәлімдеуінше, Ресейде тағы да карантин жариялау мәселесі қарастырылып жатқан жоқ. Үкімет ахуалды жіті бақылап отыр.

Арыстан Рысбек