Испанияның Пальма аралында жанартау атқылап жатыр

Испанияның Пальма аралында вулкан лавасының төгіліп жатқанына бесінші күн. Балқыған тастың Атлант мұхитына жетуіне шамамен екі шақырымдай қалды. Бірақ, кейбір болжамдарға қарағанда, бұл көшкін жан-жаққа жайылып, әлі талай ауыл мен егістік алқаптарын күлге айналдыруы ғажап емес.

Бүгінге дейін жанартаудың отты ағыны жолындағы ауылдардың үйлері мен жасыл желектерді өртеп, 6800-дей адамды қашуға мәжбүр етті.

Ғалымдардың айтуынша, бұл лава теңізге төгілетін болса, ауаға улы газ тарауы мүмкін.

Жер сілкіністерінен кейін атқылай бастаған вулкан 50 жылдан бері алғаш рет оянып отыр. Оның қашан тынышталатыны әзірге белгісіз.

Арыстан Рысбек