Жаңа Зеландия полициясы 6 адамға пышақ сұққан шабуылшыны мерт қылды

Жаңа Зеландия полициясы 6 адамға пышақ сұққан шабуылшының көзін жойды. Оқиға бүгін Окленд қаласындағы супермаркеттердің бірінде болған.

2011 жылдан бері Жаңа Зеландияда тұрып келген қылмыскердің Шри-Ланка тумасы екені белгілі. Ол "Даиш" радикалдық тобының әрекеттерінен шабыт алған және бұған дейін 5 жыл бойы полицияның аңдуында болған.

Бүгінгі қылмысын іске асыра бастағанда, полиция шабуылшыны 60 секунд ішінде мерт қылды. Ал, жараланған адамдардың барлығы ауруханада жатыр. Олардың үшеуінің халі нашар. 

Арай Төлегенқызы