Жаңалықтарды Telegram арнамыздан оқыңыз!Венесуэланың батысындағы Мерида штатында төпелеп жауған жауыннан кейінгі лай көшкіні мен су тасқынынан 20 адам қаза тапты. Аймақ губернаторы Рамон Гуевараның мәлімдеуінше, өзендер арнасынан асқанда, 1200-ден астам үй жойылып, 17 тұрғын жоғалып кеткен. Сонымен қатар, алапат топаннан трансформаторлар зақымданып, штаттағы бірнеше қалашық жарықсыз, телефон байланысынсыз қалған. Жергілікті басшылық оларды қалпына келтіруге ресурстарының жетпейтінін мәлімдеді. Ал, құтқару операцияларына 140-тай маман мен армия жауынгерлері тартылып отыр.
Арыстан Рысбек
