Үндістанда лай көшкінінен 9 адам қаза тапты

Үндістанның Химачал-Прадеш штатында лай көшкінінен 9 адам қаза тапты. Марқұм болғандардың барлығы - өңірге елдің басқа аудандарынан келген туристер. Тағы екі адам жараланды. Олар ауруханада жатыр. Ал, елде өткен аптада болған алапат тасқын мен селден қаза тапқандардың саны 160-қа жетті. Құтқарушылар үйінді астында қалған 60 адамды шығара алмай әлек болып жатыр. Табиғи апат кезінде 230 мың адам қауіпсіз жерге көшірілді.

Толассыз жауған нөсер мен тасқыннан Ұлыбритания астанасы Лондон көшелерін су басты. Осыған орай мұнда көлік жолдары, 8 метро станциясы жабылды. Қала әкімшілігі алда тағы нөсер болатынын ескертіп, тұрғындарға жолға шықпау қажет екенін ескертті. 

Арай Төлегенқызы