Украинаның оңтүстігінде әуе күштерінің жаттығуы басталды

Украинаның оңтүстігіндегі жергілікті әуе күштері/ батыстық әріптестерімен бірлесіп әскери жаттығуды бастады. Екі аптаға созылатын жаттығуға АҚШ бастаған НАТО мен өзге де одақтастардан 5 мыңдай персонал мен 30 кеме және 40 авиациялық техника қатысады. Солардың қатарында МИ-14, МИ-8 тікұшақтар және Су-25, Су-27 ұшақтары бар. Бұл маневрлар Мәскеу мен НАТО қатынастары шиленіскен шақта ұйымдастырылып отыр. Биыл Ресей Украина шекарасы маңына ондаған мың жауынгерін шоғырландырып, кейбір техникасын ол аймақтан әлі күнге дейін әкеткен жоқ. Сонымен қатар, өткен аптада Ресей Қара теңізде британдық кемеге оқ жаудырып, оның жолын бомбалағаны белгілі. 

Арыстан Рысбек