Байден әкімшілігі Мәскеуге қарсы жаңа санкция әзірлеп жатыр

АҚШ президенті Джо Байден әкімшілігі Ресейге қарсы жаңа санкция әзірлеп жатыр. Бұл жазалау шарасы оппозиционер Алексей Навальныйдың улану оқиғасына жауап ретін қабылданбақ.

Мұны Байденнің ұлттық қауіпсіздік жөніндегі кеңесшісі Джейк Салливан мәлімдеді. Ресей үкіметі болса, Навальныйға қастандық жасалғанын жоққа шығарып келеді. Осыған дейін Ақ үй Байден-Путин саммитінің Құрама Штаттардың Мәскеуге қарсы санкциялар туралы шешіміне ықпал етпейтінін ескерткен еді.

Ал, осыдан бірнеше сағат бұрын Кремльдің баспасөз хатшысы Дмитрий Песков мәлімдеме жасап, АҚШ-тың Ресейді шектеу саясатының Женева кездесуінен кейін де жалғасатынын білгенін хабарлады.

Арыстан Рысбек